Яқинда «Ювентус» бош мураббийи лавозимига тайинланган италиялик мутахассис Лучано Спаллетти жамоанинг Италия чемпионлиги учун курашдаги имкониятлари ҳақида фикр билдирди.
«Йўл жуда узоқ. Албатта, бизга янада яхшиланиш керак, гарчи яхши ўйин намойиш этган бўлсак ҳам. Имкониятларимизни қўлдан бой бермаслигимиз лозим, шунга қарамай, биз натижадан хурсандмиз», — дея Спаллеттининг сўзларини келтирган DAZN нашри.
Эслатиб ўтамиз, 66 ёшли мутахассис аввалроқ ишдан бўшатилган Игор Тудор ўрнига бош мураббий этиб тайинланган эди.
А Сериянинг 10-турида сафарда «Кремонезе»ни 2:1 ҳисобида мағлуб этганидан сўнг, «Ювентус» жадвалда бешинчи ўринга кўтарилди. Ҳозирча жамоа 18 очко жамғарган.
