Yaqinda «Yuventus» bosh murabbiyi lavozimiga tayinlangan italiyalik mutaxassis Luchano Spalletti jamoaning Italiya chempionligi uchun kurashdagi imkoniyatlari haqida fikr bildirdi.
«Yo‘l juda uzoq. Albatta, bizga yanada yaxshilanish kerak, garchi yaxshi o‘yin namoyish etgan bo‘lsak ham. Imkoniyatlarimizni qo‘ldan boy bermasligimiz lozim, shunga qaramay, biz natijadan xursandmiz», — deya Spallettining so‘zlarini keltirgan DAZN nashri.
Eslatib o‘tamiz, 66 yoshli mutaxassis avvalroq ishdan bo‘shatilgan Igor Tudor o‘rniga bosh murabbiy etib tayinlangan edi.
A Seriyaning 10-turida safarda «Kremoneze»ni 2:1 hisobida mag‘lub etganidan so‘ng, «Yuventus» jadvalda beshinchi o‘ringa ko‘tarildi. Hozircha jamoa 18 ochko jamg‘argan.
