«Манчестер Сити» ҳужумчиси Эрлинг Холанд Англия чемпионатининг 10-турида «Борнмут» устидан қозонилган 3:1 ҳисобидаги ғалабадан сўнг ўз фикрларини билдирди.
«Бу муҳим ғалаба. Сафардаги омадсиз мағлубиятдан сўнг шундай натижага эришиш — ёқимли туйғу. Мен ўз ишимни бажариб, жамоага ҳисса қўшишга ҳаракат қилдим. Ғалаба ҳар доим ёқимли. Менинг мақсадим — жамоага ҳар қандай йўл билан ёрдам бериш. Бу гол уриш бўладими ёки курашларда ғалаба қозонишми — фарқи йўқ. Асосийси, жамоани кучлироқ қилиш», — деди норвегиялик ҳужумчи ғалабадан сўнг.
Эслатиб ўтамиз, учрашув якшанба куни бўлиб ўтди ва 3:1 ҳисобида «Манчестер Сити»нинг ғалабаси билан якунланди. Холанд бу баҳсда дубль қайд этди.
