«Фенербахче» барча мусобақаларда сўнгги 7 ўйинда 6 ғалаба ва 1 дуранг қайд этди.

Собиқ «Спартак» мураббийи Доменико Тедеско қўл остидаги жамоа Туркия чемпионатининг 11-турида «Бешиктош»ни 3:2 ҳисобида мағлуб этди.

Истанбулликлар 24 сентябрдан бери мағлубият нималигини билмай келмоқда — ўшанда улар Европа лигасида «Динамо» (Загреб)дан 1:3 ҳисобида ютқазган эдилар.

Бир ой олдин Тедеско омадсиз старт туфайли ишдан бўшатилиши мумкинлиги ҳақида хабарлар тарқалган эди, аммо октябрь ойида клуб раҳбарияти бу қарордан воз кечди.

Ҳозирда «Фенербахче» Туркия Суперлигаси жадвалида 25 очко билан иккинчи ўринни эгаллаб турибди, етакчи «Галатасарай»дан 4 очкога орқада.