«Барселона»нинг чап қанот ҳимоячиси Алехандро Бальде ўз жамоадоши Ламин Ямал ҳақида фикр билдирди.

18 ёшли вингер сўнгги пайтларда майдондан ташқаридаги хулқ-атвори учун танқидларга учраяпти. Яқинда у «эл-класико» олдидан «қаймоқранглилар» ҳақидаги кескин сўзлари билан можаро келтириб чиқарган эди.

«Ямал ҳар доим диққат марказида бўлади, аммо менимча, у ёшига қарамасдан ҳақиқий профессионалдек ўзини тутади. У 18 ёшида қилиб кетаётган ишлар — ҳақиқатан ҳам ҳайратланарли. Аfsуски, одамлар буни етарлича қадрламайди. Унинг ўйинини сўз билан тасвирлаб бўлмайди», — деди Бальде «Эльче»га қарши 3:1 ҳисобидаги ғалабадан сўнг.

Эслатиб ўтамиз, айнан Бальде ушбу ўйинда Ямалнинг биринчи голига голли узатма берган эди.