«Barselona»ning chap qanot himoyachisi Alexandro Balde o‘z jamoadoshi Lamin Yamal haqida fikr bildirdi.
18 yoshli vinger so‘nggi paytlarda maydondan tashqaridagi xulq-atvori uchun tanqidlarga uchrayapti. Yaqinda u «el-klasiko» oldidan «qaymoqranglilar» haqidagi keskin so‘zlari bilan mojaro keltirib chiqargan edi.
«Yamal har doim diqqat markazida bo‘ladi, ammo menimcha, u yoshiga qaramasdan haqiqiy professionaldek o‘zini tutadi. U 18 yoshida qilib ketayotgan ishlar — haqiqatan ham hayratlanarli. Afsuski, odamlar buni yetarlicha qadrlamaydi. Uning o‘yinini so‘z bilan tasvirlab bo‘lmaydi», — dedi Balde «Elche»ga qarshi 3:1 hisobidagi g‘alabadan so‘ng.
Eslatib o‘tamiz, aynan Balde ushbu o‘yinda Yamalning birinchi goliga golli uzatma bergan edi.
