«Манчестер Сити» бош мураббийи Хосеп Гвардиола Чемпионлар лигасидаги яқинлашиб келаётган Дортмунднинг «Боруссия»сига қарши баҳс ҳақида фикр билдирди.

«Шаҳарликлар» ва «асаларилар» ўртасидаги учрашув Англияда 5 ноябрь, чоршанба куни бўлиб ўтади.

«Олдимизда Чемпионлар лигасида 2 та навбатдаги уй ўйини бор — бу бизга плей-офф йўлланмасини қўлга киритиш учун яхши имконият. “Боруссия”га қарши баҳс жуда, жуда муҳим. Шу ўйиндан сўнг халқаро танаффус олдидан “Ливерпуль”га қарши бўладиган сўнгги баҳс ҳақида ўйлашимиз мумкин бўлади», — дея Гвардиоланинг сўзларини келтирган BBC нашри.

Эслатиб ўтамиз, якшанба куни «Манчестер Сити» Англия Премьер-лигасида ўз майдонида «Борнмут»ни 3:1 ҳисобида мағлуб этган эди.