«Manchester Siti» bosh murabbiyi Xosep Gvardiola Chempionlar ligasidagi yaqinlashib kelayotgan Dortmundning «Borussiya»siga qarshi bahs haqida fikr bildirdi.
«Shaharliklar» va «asalarilar» o‘rtasidagi uchrashuv Angliyada 5 noyabr, chorshanba kuni bo‘lib o‘tadi.
«Oldimizda Chempionlar ligasida 2 ta navbatdagi uy o‘yini bor — bu bizga pley-off yo‘llanmasini qo‘lga kiritish uchun yaxshi imkoniyat. “Borussiya”ga qarshi bahs juda, juda muhim. Shu o‘yindan so‘ng xalqaro tanaffus oldidan “Liverpul”ga qarshi bo‘ladigan so‘nggi bahs haqida o‘ylashimiz mumkin bo‘ladi», — deya Gvardiolaning so‘zlarini keltirgan BBC nashri.
Eslatib o‘tamiz, yakshanba kuni «Manchester Siti» Angliya Premyer-ligasida o‘z maydonida «Bornmut»ni 3:1 hisobida mag‘lub etgan edi.
