Испания чемпионатининг 11-турида Мадриднинг "Реал" клуби «Валенсия»ни 4:0 ҳисобида мағлуб этди. Ушбу баҳсда «қаймоқранглилар»нинг туркиялик ярим ҳимоячиси Арда Гюлер ҳам майдонга тушди.
Бу учрашув Гюлер учун «қироллик клуби» сафидаги 75-ўйин бўлди. Diario AS нашри маълумотига кўра, ушбу беллашувдан сўнг Мадриднинг "Реал" клуби «Фенербахче»га 2 миллион евро бонус тўлайди.
Эслатиб ўтамиз, Гюлер 2023 йил ёзида Мадриднинг "Реал" клубига қўшилган эди. Шундан бери у 75 та ўйинда майдонга тушиб, 15 та гол урди ва 17 та голли узатма амалга оширди.
Футболчининг шартномаси 2029 йилнинг ёзигача амал қилади, унинг бозор қиймати эса 60 миллион евро деб баҳоланган.
