Аргентина терма жамоаси ҳужумчиси Хулиан Альварес “Атлетико Мадрид” сафида ўзининг “Манчестер Сити” давридаги натижаларини ортда қолдирди.
2024 йилда испанияликлар сафига қўшилган футболчи шу вақтгача 70 та ўйинда 37 та гол урган ва 12 та голли узатма берган. Бу унинг “шаҳарликлар”даги кўрсаткичидан (103 та ўйинда 36 та гол, 19 та ассист) юқори натижа ҳисобланади.
Маълумотларга кўра, “Барселона” ҳали ҳам Альвареснинг фаолиятини яқиндан кузатмоқда ва уни келгуси мавсум учун эҳтимолий трансфер номзодларидан бири сифатида кўриб чиқмоқда.
25 ёшли аргентиналик ҳозирда Transfermarkt порталида 100 миллион еврога баҳоланмоқда. Унинг шартномаси 2030 йилгача мўлжалланган.
