“Манчестер Юнайтед” клуби келаси ёзги трансфер ойнаси учун икки асосий ярим ҳимоячи номзодини белгилаган. Улар — “Брайтон” футболчиси Карлос Балеба ва “Штутгарт” ярим ҳимоячиси Анжело Штиллер.
Хабарларга кўра, “қизил иблислар” клубнинг марказий ярим ҳимоясини кучайтиришни устувор вазифа сифатида кўрмоқда ва ҳар икки футболчи бу режа учун мос деб ҳисобланмоқда.
21 ёшли Балеба АПЛдаги техник маҳорат ва ҳаракатчанлиги билан ажралиб турса, 24 ёшли Штиллер Бундеслигада ўйинни ташкил этишдаги аниқ паслари ва позицион фикрлаши билан эътибор қозонган.
“Манчестер Юнайтед” скаутлари ҳар икки футболчини яқиндан кузатмоқда ва ёзда расмий музокаралар бошланиши кутилмоқда.
