Шу ёзда Дортмунднинг "Боруссия" клуби сафига қўшилган ҳужумчи Пьер-Эмерик Обамеянг ўз таассуротлари билар ўртоқлашаркан, "Боруссия" Мюнхеннинг "Бавария"си билан таққослаб кўрди.

"Ўз кўзим билан шоҳид бўлиб шунга ишондимки, "Боруссия" ва "Бавария" ўртасида фарқ катта эмас. Мюнхенликлар таркибида юлдузлар кўп, улар исталган вақтда ўз футболчиларининг алоҳида тажрибаларига суюнишлари мумкин.

"Боруссия"га келсак, менинг эътиборимни тортган энг биринчи жиҳат шу бўлдики, бу ерда ҳақиқий жамоа бор экан! Мен аввал "Боруссия" иштирокидаги ўйинларни кўрганман, жамоа ҳужумкор ва динамий футбол намойиш этади", деди Обамеянг Goal.com нашрига интервью бераркан.