Луис Энрике "Бавария"га қарши ўйин ҳақида фикр билдирди.

"ПСЖ" эртага Чемпионлар лигаси умумий босқичининг 4-турида мюнхенликларни қабул қилади. Аввалроқ, парижликлар вингери Усмон Дембеле сонидан олган жароҳати туфайли ўйинни ўтказиб юбориши мумкинлиги ҳақида хабарлар тарқалган эди.

"Уч очкони қўлга киритиш учун бу ерда ғалаба қозониш муҳим, шунингдек, бизнинг қуръа Чемпионлар Лигасидаги энг қийин қуръа бўлгани учун ҳам. Бу ўйин ва муҳитдан завқланиш муҳим.

Барча ўйинлар муҳим, аммо жадвалимиз шиддатли ва мураккаб, имкон қадар тезроқ очко тўплашимиз керак. Эртага ҳам, дастлабки учта ўйинда ҳам айнан шунга интилганмиз.

Ҳеч қайси ўйинчи билан ҳеч қандай хавф йўқ. Усмон формада, у сўнгги бир неча ҳафта ичида барча машғулотларни ўтказди, сўнгги икки ўйинда майдонга тушди ва жисмоний ҳолатини яхшилади. Албатта, у эртага ўйнайди. Неча дақиқалигини билмайман, лекин у рақобатга тайёр. У майдонда қанча вақт ўтказишини ҳал қиламиз," - деди "ПСЖ" бош мураббийи.