"Тоттенхэм" бош мураббийи Томас Франк ҳимоячилар Микки ван де Вен ва Жед Спенснинг Англия чемпионатининг 10-тури доирасида "Челси"га қарши ўйиндан сўнг мухлисларни олқишламаганини ва бунинг учун узр сўрашганини маълум қилди.
Ўйиндан сўнг футболчилар Франкнинг мухлисларга қарсак чалиш ҳақидаги кўрсатмасини эътиборсиз қолдиришди, мухлислар эса жамоани ҳуштаклар билан кузатиб қўйишди.
"Кеча Микки ва Жед менинг хонамга кириб келишди ва юзага келган вазият учун узр сўрамоқчи эканликларини айтишди. Улар бу ҳолатнинг ёмон ёки ҳурматсизлик сифатида кўринишини истамаганликларини билдирдилар. Улар шунчаки ўйин давомидаги кўрсатилган натижа, мағлубият ва мухлисларнинг ҳуштакларидан хафа бўлишган", - деди Франк матбуот анжуманида.
"Тоттенхэм" (10 ўйиндан сўнг 17 очко тўплаган) Англия чемпионати турнир жадвалида саккизинчи ўринни эгаллаб турибди.
