"Вулверхэмптон"нинг собиқ бош мураббийи Гари О'Нил жамоага қайтишдан бош тортди, дея хабар бермоқда BBC.
Манбага кўра, 2024 йил декабрь ойида ишдан бўшатилган 42 ёшли инглиз сезиларли ютуқларга қарамай, музокаралардан чиққан.
1 йиллик шартномаси товон пулини ҳали ҳам олаётган О'Нил дастлаб деярли бир йиллик танаффусдан сўнг ишга қайтишга тайёр эди. Энди клуб эътибори муқобил вариантларга қаратилмоқда, улар орасида "Байер"нинг собиқ устози Эрик тен Хаг ва "Мидлсбро" устози Роб Эдвардс бор.
2 ноябрь, якшанба куни "Вулверхэмптон" бош мураббий Витор Перейра истеъфога чиқарилганини эълон қилди. У клубда 2024 йилнинг декабридан буён ишлаб келаётганди.
О'Нил 2023 йил августидан 2024 йил декабригача "Вулверхэмптон"да ишлаган. Унинг қўл остида жамоа 63 ўйинда 20 ғалаба, 11 дуранг ва 32 мағлубият қайд этган.
