Мюнхеннинг "Бавария" клуби бош мураббийи Венсан Компани Чемпионлар лигаси доирасидаги жамоалар ўртасидаги ўйин олдидан "ПСЖ"нинг кучли ва кучсиз томонларини санаб ўтди.
Учрашув 4 ноябрь куни Франция пойтахтида бўлиб ўтади ва Тошкент вақти билан соат 01:00 да бошланади.
"Парижликларнинг жамоавий руҳи, тўпни олиб қўйиш маҳорати ва индивидуал маҳоратидан ҳайратдаман. "ПСЖ"га қарши ўйнаганингда, бир футболчига эътибор қаратиш етарли эмас," - дея бельгиялик мутахассиснинг сўзларини келтиради УEФА матбуот хизмати.
Париж жамоасининг муаммоларига келсак, Компани натижаларнинг нотекислиги ва "ПСЖ"нинг беқарорлигини таъкидлади.
