Англия терма жамоаси бош мураббийи Томас Тухель ноябрь ойидаги халқаро танаффус арафасида тажрибали ҳужумчини терма жамоа сафига қайтариш ҳақида ўйламоқда.
Sky Sports нашри хабарига кўра, "уч шерлар" устози жорий мавсумни "Брайтон" сафида ажойиб тарзда бошлаётган 34 ёшли Денни Уэлбекни Сербия ва Албанияга қарши ЖЧ-2026 саралаш ўйинларига чақириши мумкин.
Уэлбек Англия терма жамоаси сафида сўнгги бор 2018 йилнинг сентябрида Швейцарияга қарши ўртоқлик ўйинида (1:0) майдонга тушган. У терма жамоа сафида 42 та ўйинда 16 та гол ва 4 та голли узатмани амалга оширган.
2025/26 йилги мавсум бошида Денни "Брайтон" сафида барча мусобақаларда 12 та ўйинда 6 та гол урди ва битта голли узатмани амалга оширди.
