Қирол Карл III Беркширдаги Виндзор қасрида бўлиб ўтган маросимда 50 ёшли собиқ футболчи Дэвид Бекхэмга рицарлик унвони берди.
Англия терма жамоасининг собиқ сардори футбол ва Британия жамияти олдидаги хизматлари учун рицар унвонига сазовор бўлган.
Бекхэм ўзининг рицарлик унвонидан жуда фахрланишини айтди.
"Одамлар менинг қанчалик ватанпарвар эканлигимни билишади — мен ўз ватанимни яхши кўраман. Мен ҳар доим монархия менинг оилам учун нақадар муҳимлигини айтганман. Менга бутун дунё бўйлаб саёҳат қилиш бахтига муяссар бўлганман ва барча одамлар мен билан бизнинг монархиямиз ҳақида гаплашмоқчи. Мен бундан фахрланаман" - деди Бекхэм.
Бекхэм Виндзор қасрида унинг рафиқаси Виктория ва ота-онаси Сандра ва Дэвид билан бирга эди.
Мода соҳасидаги хизматлари учун 2017 йилда Британия Империяси ордени офицери этиб тайинланган Виктория Бекхэм маросимда турмуш ўртоғи кийган костюмни лойиҳалаштириб, тикди. "Қирол Карл менинг костюмимдан жуда таъсирланди" - деди Бекхэм.
