Qirol Karl III Berkshirdagi Vindzor qasrida bo‘lib o‘tgan marosimda 50 yoshli sobiq futbolchi Devid Bekxemga risarlik unvoni berdi.

Angliya terma jamoasining sobiq sardori futbol va Britaniya jamiyati oldidagi xizmatlari uchun risar unvoniga sazovor bo‘lgan.

Bekxem o‘zining risarlik unvonidan juda faxrlanishini aytdi.

"Odamlar mening qanchalik vatanparvar ekanligimni bilishadi — men o‘z vatanimni yaxshi ko‘raman. Men har doim monarxiya mening oilam uchun naqadar muhimligini aytganman. Menga butun dunyo bo‘ylab sayohat qilish baxtiga muyassar bo‘lganman va barcha odamlar men bilan bizning monarxiyamiz haqida gaplashmoqchi. Men bundan faxrlanaman" - dedi Bekxem.

Bekxem Vindzor qasrida uning rafiqasi Viktoriya va ota-onasi Sandra va Devid bilan birga edi.

Moda sohasidagi xizmatlari uchun 2017 yilda Britaniya Imperiyasi ordeni ofiseri etib tayinlangan Viktoriya Bekxem marosimda turmush o‘rtog‘i kiygan kostyumni loyihalashtirib, tikdi. "Qirol Karl mening kostyumimdan juda ta’sirlandi" - dedi Bekxem.