Франция терма жамоаси ва «ПСЖ» ҳужумчиси, 20 ёшли Дезире Дуэ Европанинг энг яхши ёш футболчиси деб топилди. Мукофот италиялик Tuttosport нашри томонидан топширилади.
«Ёш французнинг феноменал мавсуми — у “ПСЖ” билан барча совринларни қўлга киритди», — дейилади мукофот саҳифасида (X ижтимоий тармоғида).
Эслатиб ўтамиз, 2024 йилда ушбу совринни «Барселона» вингери Ламин Ямаль қўлга киритган эди.
Охирги мавсумда Дуэ барча мусобақаларда 61 та ўйинда майдонга тушиб, 16 та гол ва 16 та голли узатма муаллифи бўлди. У «ПСЖ» билан бирга Чемпионлар лигаси, Лига 1, Франция кубоги ва Суперкубогида ғалаба қозонди.













