Энцо Мареска Коул Палмернинг тикланиш жараёнига изоҳ берди.
Ярим ҳимоячи 20 сентябрдан буён чов соҳаси билан боғлиқ муаммолар туфайли майдонга тушмаяпти. "Челси" бош мураббийидан Англия терма жамоаси футболчисини Чемпионлар лигаси доирасида "Барселона"га қарши ўйинда (25 ноябрь) кўриш имконияти бор-йўқлиги сўралди.
"Биз шунга умид қиламиз. Аммо ҳозир Коул жамоа билан умуман ишламагунча бу борада бирор фикр билдириш қийин.
Ростини айтсам, мен Коул эртагаёқ пайдо бўлишини истардим. Унинг эртароқ қайтишини истардим. Мен у билан кучлироқ эканлигимизни кўп марта айтганман. Афсуски, у жароҳат олган, аммо биз уни тезроқ кўришни истаймиз," - деди Мареска.
