"Наполи" бош мураббийи Антонио Конте Чемпионлар Лигаси умумий босқич 4-туридан ўрин олган "Айнтрахт" (0:0) билан ўйиндаги дуранг ҳақида фикр билдирди.

Биринчи бўлимга қўшиб берилган дақиқаларда Конте сариқ карточка ишлаб олди.

- Ҳамма нарсани гапириш мумкин. Агар сен гол урмасанг, сен ютмайсан. "Айнтрахт" Италиянинг катеначчо тизимида ўйнашни яхши ўрганиб олган. Агар биз Германияда шундай ўйнаганимизда, у ерда эскича футбол ҳақида гапиришарди... Футболга кўпроқ европача услуб олиб киришга ҳаракат қиляпмиз. Гол ура олмаганимиз ачинарли, аммо фидойилигига эътироз билдира олмайман", - дея мураббийнинг сўзларини келтиради Жанлука Ди Марцио сайти.

"Наполи" очколарини 4 тага етказиб, Чемпионлар лигаси умумий турнир жадвалида 19-ўринда бормоқда. Италия жамоаси мусобақанинг навбатдаги ўйинини 25 ноябрь куни ўз майдонида "Қорабоғ"га қарши ўтказади.