"Ливерпуль" ярим ҳимоячиси Флориан Вирц жорий мавсумда 15 та ўйинда бор йўғи 3 та самарали ҳаракат амалга оширди.

Бугун "қизиллар" ЕЧЛ умумий босқич 4-турида "Реал"ни 1:0 ҳисобида мағлуб этди. Германиялик футболчи майдонда 88 дақиқа ҳаракат қилди ва ўз ҳисобига гол ёки голли узатма ёздириб қўя олмади.

Ўтган ёзда "Байер"дан 100+16 млн фунтга харид қилинган Вирц "қизиллар" сафида барча мусобақаларда 15-ўйинини ўтказди. Унинг ҳисобида 3 та голли узатма бор: Англия Суперкубогида "Кристал Пэлас"га қарши ўйинда (2:2, пен. 2:3) ва Чемпионлар Лигасида "Айнтрахт"га қарши ўйинда (5:1) 2 та ассист берган.