"Бавария" марказий ҳимоячиси Дайо Упамеканонинг келажаги ҳамон мавҳумлигича қолмоқда. Футболчининг шартномаси жорий мавсум якунлангач ўз ниҳоясига етади, янги битим шартлари бўйича келишувга эришилганича йўқ.
Чемпионлар Лигасининг сешанба кунги "ПСЖ"га қарши ўйинидан сўнг журналистлар Макс Эберлдан вазият ҳақида гапириб беришни сўрашди.
- Упамеканонинг агенти телефони тинимсиз қўнғироқлардан ёрилиб кетаётган бўлса керак?
- Бу нормал, шундай бўлиши керак. Биз ўз ишимизни бажариб, Упамеканонинг шартномасини узайтирмоқчимиз, деб кўп айтганман. Биз ўз ниятларимизга қатъий амал қиламиз ва ишни давом эттирамиз," - деди "Бавария" спорт бўлими бошлиғи интервьюда.
Венсан Компани жамоаси Парижда 2:1 ҳисобида ғалаба қозонди.
