"Ювентус" Лучано Спаллетти бошчилигидаги Чемпионлар лигасининг илк ўйинида Лиссабоннинг "Спортинг" клубини мағлуб эта олмади (1:1).

"Тўпни тез ҳаракатлантириш қобилияти фарқни таъминлаши аниқ, аммо бошқа жиҳатлар ҳам бор. Баъзан рақибнинг зич мудофаасини ёриб ўтишга тўғри келади, баъзан эса қарши ҳужумга ўтиб, ҳужумни иложи борича тезроқ зарбага айлантириш керак бўлади. Асосийси - ўйинни ҳис қилиш. Ҳамма қандай босим ўтказишни, қандай ҳимояланишни билади, лекин нима ва қайси пайтда энг тўғри бўлишини тушуниш муҳим", - деди 66 ёшли мутахассис Sky Sport’га берган интервьюсида.

Эслатиб ўтамиз, яқинда ишдан бўшатилган Игор Тудор ўрнини Лучано Спаллетти эгаллади.