Чемпионлар лигаси умумий босқичидан ўрин олган ўз майдонидаги ўйинда "Ливерпуль" Мадриднинг "Реал" клуби устидан минимал ҳисобда ғалаба қозонди - 1:0. Учрашувдаги ягона голни аргентиналик хавбек Алексис Макаллистер киритди.
Stata Football хабарига кўра, мерсисайдликлар Чемпионлар лигасида "қаймоқранглилар" устидан "қуруқ" ғалаба қозониш бўйича рекордчи ҳисобланади. "Ливерпуль" "Реал" устидан 5 та ғалабага эришиб, ўз дарвозасидан тўп ўтказиб юбормади.
Кечаги муваффақиятдан сўнг Арне Слот шогирдлари тўққиз очко жамғариб, турнир жадвалида олтинчи ўринга кўтарилиб олди. Чемпионлар лигасидаги навбатдаги ўйинни инглизлар ўз майдонида Нидерландиянинг ПСВ клубига қарши ўтказади.
