Мадриднинг "Реал" клуби бош мураббийи Хаби Алонсо жамоанинг Чемпионлар лигаси доирасидаги "Ливерпул"га қарши ўйиндаги мағлубияти сабаблари ҳақида гапирди.
Умумий босқичнинг 4-туридан ўрин олган беллашув сафарда "қаймоқранглилар"нинг 0:1 ҳисобидаги мағлубияти билан якунланди.
"Бизга интенсивлик етишмади деб ўйламайман. Яхши курашдик, қийин ўйин бўлди. Жамоага таъна қиладиган жойим йўқ. Бизга фақат аниқлик етишмади", - дея Алонсонинг сўзларини келтиради Madrid Xtra.
Айни пайтда "Реал" Чемпионлар Лигаси турнир жадвалида 9 очко билан бешинчи ўринда бормоқда. "Қаймоқранглилар" кейинги турда "Олимпиакос" меҳмони бўлади.
