"Манчестер Юнайтед"нинг бош мураббийи Рубен Аморим ва манкунианликлар ҳимоячиси Диогу Далот узоқ қариндош эканлиги маълум бўлди. Geneall портали бу қизиқарли маълумотни эълон қилди.

Асл манбага кўра, мураббий ва футболчининг иккаласи ҳам 19-асрда яшаган француз цирк артисти Карлос Далотнинг авлодлари экан. Карлос ака-укалари ва опа-сингиллари билан бирга Европа бўйлаб гастролларда юрган ва кейинчалик Португалияда яшаб қолган.

Бундан ташқари, Далотнинг ўзи илгари аждодлари цирк артистлари бўлганини ва ўтмишда Брага шаҳрига кўчиб келганини тасдиқлаган эди. Диогу айнан шу шаҳарда туғилган.