"Арсенал" ва "Барселона" клубларининг франциялик собиқ ҳужумчиси Тьерри Анри "Реал" вингери Винисиус Жуниорни Европа Чемпионлар лигаси доирасида "Ливерпуль"га қарши ўйиндаги ҳаракатлари учун танқид қилди. Кеча бўлиб ўтган учрашувда инглизлар 1:0 ҳисобида зафар қучди.
"У нима учун "Ливерпуль" қанот ҳимоячисига босим ўтказмаганини тушунмаяпман. Бор нарса билан ўйнаш керак, вазиятга қараб ўйнаш керак. Винисиус эса Конор Брэдлини дастлабки беш-етти дақиқа босим остида ушлаб турди, кейин эса рақибни қўйиб юборди. Нима учун? Нега унга бўш жой беряпсан? У сариқ карточка олгунича босим қилиш керак, шунда унинг ҳимоя самарадорлиги пасаяди. Аммо Вини бундай қилмади," - дея Анрининг сўзларини келтиради Liverpool.com интернет-портали.
