Туркиянинг Айдин шаҳрида "Фенербахче" футбол клуби президенти ва таниқли тадбиркор Али Кочга тегишли дала ҳовлисида портлаш ва ёнғин содир бўлди.
Воқеа кечки пайт Эфелер туманининг Умурлу маҳалласида содир бўлган.
Маълумотларга кўра, Али Кочнинг узумзоридаги портлашдан сўнг ёнғин тезда тарқалиб кетган. Воқеа жойига ўт ўчирувчилар, тез ёрдам ва жандармерия етиб келди. Кучли шамол туфайли ёнғин катта майдонни қамраб олган ва дала ҳовлисига катта зарар етказган.
Воқеа юзасидан тергов ҳаракатлари олиб борилмоқда.
