Фил Фоден дубль қайд этди ва Чемпионлар лигаси доирасидаги "Манчестер Сити" - "Боруссия" (4:1) учрашувининг энг яхши футболчиси деб топилди. Фоденнинг ҳаракатлари ҳақида "шаҳарликлар" етакчиси Хосеп Гвардиола гапирди.

"Мен Фоден аллақачон юксакликка кўтарилган деб айтган бўлардим. У бу даражага яқинлашиши шарт эмас - у аллақачон ўша ерда. У ақл бовар қилмайдиган иккита гол урди.

Филдан бунақасини неча марта кўрганмиз, тўғрими? Қанча? У майдоннинг сўнгги учдан бир қисмида жонбозлик ва сифат кўрсатди. Бизга шу нарса жуда етишмасди. Фақат Холанд эмас, бошқа футболчилар ҳам гол урганидан хурсандман," - деди Гвардиола TNT Sports нашрига.

"Манчестер Сити" Чемпионлар Лигаси турнир жадвалида 4 турда 10 очко жамғарган ҳолда 4-ўринни эгаллаб турибди.