"Манчестер Сити" ҳужумчиси Эрлинг Холанд гол уриш бўйича рекордларни янгилашда давом этмоқда. Чоршанба куни норвегиялик футболчи "шаҳарликлар"га Дортмунднинг "Боруссия" клуби устидан йирик ҳисобда ғалаба қозонишга ёрдам берди (4:1). 25 ёшли форвард Чемпионлар Лигасидаги голли сериясини кетма-кет бешта ўйинга етказди - бунгача "Манчестер Сити"нинг ҳеч бир вакили бундай натижага эриша олмаганди.
Эрлинг Холанд Чемпионлар Лигасининг жорий мавсумидаги тўпурарлар рўйхатида иккинчи ўринни Килиан Мбаппе ("Реал") ва Харри Кейн ("Бавария") билан бўлишиб турибди - 5тадан гол. Улардан юқорида фақат "Галатасарой"да 6 марта гол урган Виктор Осимхен жой олган.
