"Барселона" ярим ҳимоячиси Френки де Йонг Чемпионлар лигаси доирасида "Брюгге"га қарши кечган ва 3:3 ҳисобидаги дурангдан кейин ўз фикрларини билдириб ўтди.
"Бу ўйинда ғалаба қозонишимиз керак эди. Анча яхшироқ ҳаракат қилишимиз мумкин эди. Кўп нарсаларни тўғрилашимиз керак. Биз буни тушунамиз ва бунинг устида ишлаяпмиз, лекин бугун буни кўрсата олмадик. Ҳимояда назорат ва жойлашув масалалари туфайли қарши ҳужумларда заифмиз.
Ўтган мавсум? Уни эсдан чиқариш керак. Биз унда ҳам Европада энг яхши жамоа эмасдик. Чемпионлар Лигасида ғалаба қозона олмадик ва кўп гол ўтказиб юбордик. Ҳаммаси ўтказиб юборилган голларга боғлиқ эмас, аммо уч марта гол ўтказиб юборсанг, ғалаба қозониш қийин..." - деди де Йонг Movistar’га.
"Барселона" навбатдаги ўйинини 9 ноябрь куни Ла Лига доирасида "Сельта"га қарши ўтказади.
