Мадриднинг “Реал” клуби ярим ҳимоячиси Франко Мастантуоно сўнгги ҳафталарда жамоадаги вазиятидан қониқмаётгани хабар қилинмоқда.
El Nacional хабарига кўра, 18 ёшли аргентиналик футболчининг асосий таркибдаги ўйин амалиёти сезиларли даражада камайган, шунингдек у бир неча ҳафталардан бери чов қисмидаги кичик жароҳатини даволамоқда.
Бу ҳолат Мастантуононинг умумий жисмоний тайёргарлиги ва руҳий ҳолатига таъсир кўрсатгани айтилаётган бўлиб, “қаймоқранглилар” мураббийлар штаби уни эҳтиёткорлик билан тиклаш режасини амалга оширмоқда.
Манбага кўра, клуб ёш футболчининг салоҳиятига ҳануз катта ишонч билдирмоқда, аммо унинг тўлиқ формага қайтиши учун вақт талаб этилади.
Франко бу мавсумда жами 12 та ўйинда 1 та гол ва 1 та ассист амалга оширди.
