Madridning “Real” klubi yarim himoyachisi Franko Mastantuono so‘nggi haftalarda jamoadagi vaziyatidan qoniqmayotgani xabar qilinmoqda.

El Nacional xabariga ko‘ra, 18 yoshli argentinalik futbolchining asosiy tarkibdagi o‘yin amaliyoti sezilarli darajada kamaygan, shuningdek u bir necha haftalardan beri chov qismidagi kichik jarohatini davolamoqda.

Bu holat Mastantuononing umumiy jismoniy tayyorgarligi va ruhiy holatiga ta’sir ko‘rsatgani aytilayotgan bo‘lib, “qaymoqranglilar” murabbiylar shtabi uni ehtiyotkorlik bilan tiklash rejasini amalga oshirmoqda.

Manbaga ko‘ra, klub yosh futbolchining salohiyatiga hanuz katta ishonch bildirmoqda, ammo uning to‘liq formaga qaytishi uchun vaqt talab etiladi.

Franko bu mavsumda jami 12 ta o‘yinda 1 ta gol va 1 ta assist amalga oshirdi.