"Марсель" бош мураббийи Роберто Де Зерби Италиянинг "Аталанта" жамоасига қарши Чемпионлар Лигаси ўйинини сарҳисоб қилди. Ўйин 0:1 ҳисобида якунланди. Охирги дақиқаларда Лазар Самарджич гол уриб, натижани ҳал қилди.
Гол урилишидан бир неча сония олдин Эдерсон жарима майдончасида тўпга қўл билан тегинган эди.
Ҳакам пенальти белгиламади ва видеотакрорни кўриб чиқмади.
Де Зерби "Реал"га қарши ўйинда ҳам жамоаси худди шундай жазоланганини эслади.
"Мен ҳакам эмасман, қоидаларни батафсил билмайман. Лекин менинг хотирам яхши ва Мадриддаги ўйинда шунга ўхшаш нарса туфайли ютқазганимизни биламан.
Ҳозир мен фақат шу ҳақида ўйлаяпман. Бизга омад кулиб боқмади. Мадрид ва Марселда қоидалар бошқача", - деди мураббий.
