"Манчестер Сити" ҳужумчиси Эрлинг Холанд Чемпионлар Лигаси умумий босқичининг 4-туридан ўрин олган "Боруссия" Дортмундга (4:1) қарши баҳсда "шаҳарликлар"нинг ғалабасидан сўнг ўзининг Х ижтимоий тармоғидаги саҳифасида пост қолдирди. Норвегиялик футболчи 2020-2022 йиллар давомида "асаларилар" сафида тўп сурган.
"Ўзига хос клуб билан ўзига хос ўйин," - деб ёзади Ҳоланд.
Дортмундликлар сафида ҳужумчи барча мусобақаларда 89 та ўйин ўтказиб, 86 та гол ва 23 та голли узатмани амалга оширган. 2022 йилнинг ёзида Холанд "Боруссия"дан "Манчестер Сити"га ўтди. "Шаҳарликлар" сафидаги биринчи мавсумда норвегиялик футболчи Чемпионлар лигаси, АПЛ ва Англия кубогида ғолиб чиқди.
