"Бавария"нинг машҳур собиқ ҳимоячиси Филипп Лам жароҳат олган Жамал Мусиала ҳақида гапирди.
Юлдуз ҳужумкор ярим ҳимоячи ёзги клублар ўртасидаги жаҳон чемпионатида "ПСЖ"га қарши ўйинда олган оғир жароҳати туфайли мавсумнинг биринчи қисмини ўтказиб юбормоқда. Мюнхенликлар асосий футболчисиз ҳам ажойиб ўйин кўрсатмоқда - 16 ўйинда 16 ғалаба.
"Мусиала қайтганидан кейин "Бавария"ни кўриш қизиқ бўлади. Ҳозир жамоа барқарор ва усиз ҳам ажойиб ўйин намойиш этмоқда. Ҳужум Кейн атрофида қурилмоқда ва у доимий равишда гол урмоқда.
Мусиала энг кўп маош олувчи футболчилардан бири бўлиб, у шартномасини 2030 йилгача узайтирди. Ҳа, у истеъдодли футболчи, ўзига хос, аммо савол шундаки, Компани уни тизим янада мукаммалроқ бўлиши учун бирлаштира оладими ёки аксинча, бу фақат яхлитликни бузадими?", - дея Ламнинг сўзларини келтиради The Touchline.
Жамол Мусиаланинг қайтиши декабрь-январь ойларига режалаштирилган.
