"Манчестер Сити" ҳимоячиси Йошко Гвардиол италиялик дарвозабон Жанлуижи Доннарумманинг жамоага мослашуви борасида фикр билдирди.
"Манчестер Сити"да ҳар доим ажойиб дарвозабонлар ўйнаган. Жанлуижи шулардан биридир. Доннарумма тезда мослашди. Унинг жамоамизнинг бир қисмига айланганидан жамоада ҳамма хурсанд. У билан янада кўпроғига эришишимиз мумкин," - дея футболчининг сўзларини келтиради City Xtra аккаунти.
Италиялик дарвозабон инглиз клубига ёзда Франциянинг "ПСЖ" клубидан кўчиб ўтган эди. Битим суммаси 30 миллион еврони ташкил этди. Жанлуижи "шаҳарликлар" билан беш йиллик меҳнат шартномаси тузди.
