"Тоттенхэм" бош мураббийи Томас Франк ҳужумкор ярим ҳимоячи Хави Симонс ҳақида фикр билдирди. Нидерландиялик футболчи ёз охирида "шпорлар"га ўтди. Бироқ, 22 ёшли Симонс Англияда ҳозирча ўзини яхши кўрсатгани йўқ.
"Менимча, ҳар бир футболчига ишонч керак. Ҳатто дунёнинг энг яхшиси ҳам. Янги клубга ўтганингда, дарҳол мослашиб кетиш ҳар доим ҳам осон эмас. Лекин ўзингга қанчалик ишонч бўлса, шунча яхши ўйнайсан. Мен Симонс "Копенгаген"га қарши ўйинда яхши ўйнади деб ўйладим. Бу яхши қадам бўлди, аммо унинг ҳали қиладиган ишлари бор", - деди Френк матбуот анжуманида.
Хави Симонс "Тоттенхэм" сафида 13 та ўйинда майдонга тушиб, 2 та голли узатмани амалга оширган.
