"Челси" бош мураббийи Энцо Мареска ҳужумкор ярим ҳимоячи Эстевао Виллиан ҳақида фикр билдирди. Маресканинг сўзларига кўра, 18 ёшли бразилиялик яқинда Англиядаги совуқдан шикоят қилган.

"Биз Эстевао билан қўлимиздан келганини қилишга ҳаракат қилмоқдамиз, унга Англиядаги ҳаётга мослашишга ёрдам берамиз. Ўтган ҳафта у жуда совуқ бўлганидан шикоят қилган эди ва бу фақат октябрь эди. Декабрь ёки январда қандай бўлишини тасаввур қилинг. У бунга кўникиши керак, лекин у хурсанд. У ажойиб даражада ўйнаяпти ва у шубҳасиз жуда истеъдодли", - деди Мареска матбуот анжуманида.

Эстевао "Челси" сафида 15 та ўйинда 4 та гол урди ва битта голли узатмани амалга оширди.