"Ливерпуль" бош мураббийи Арне Слот жамоа сардори Виржил ван Дейкнинг танқидлари ҳақида гапирди.

"Қизиллар" жорий мавсумда барқарор ўйин кўрсатмаяпти, бунинг учун айниқса жамоанинг асосий футболчилари, жумладан, нидерландиялик тажрибали ҳимоячи жабр кўрмоқда.

"Шубҳасиз, ван Дейк бизнинг етакчимиз. У кўп йиллардан бери муҳим роль ўйнамоқда. Менимча, менинг фаолиятимда бундай фазилатларга эга бўлган кўплаб капитанлар бўлмаган. У 10 баллдан 10 баллни ушлаб туради ва 10 баллдан 9 балл билан ўйнаганида, уни танқид қила бошлашади. Бошқа ўйинчилар бундай даражадаги ўйин учун мақтовга сазовор бўлишади, Виржил эса танқидга учрайди.

У тахминан ўтган мавсумдаги каби формада, аммо баъзи эпизодларда ҳимояда яхшироқ ўйнаши мумкин эди, шунинг учун у дарҳол танқидга учради. Эҳтимол, буни мақтов сифатида қабул қилиш керакдир, чунки унинг ўзи шундай юқори даражани белгилаган", - дея Слотнинг сўзларини келтиради инглиз ОАВ.