"Арсенал" бош мураббийи Микель Артета "Сандерленд" (2:2) билан меҳмондаги дурангдан сўнг Премьер-лига қийинлигини таъкидлади.
"Премьер-лига ҳар ҳафта жамоалар ўртасидаги фарқ қанчалик кам эканлигини кўрсатади. Баъзан ўйин натижасини майда-чуйда деталлар ҳал қилади. Энди халқаро пауза бошланади. Биз жуда хафамиз, лекин олдинга силжишимиз керак. Ҳужум чизиғида 7 нафар жароҳатланган футболчимиз бор. Биз чекланганмиз, лекин мавсум шундай.
Жамоанинг ўтказиб юборилган голга муносабати менга ёқди. Биз қайта ўйнаб, олдинга чиқиб олдик. Афсуски, кейин яна гол ўтказиб юбордик," - дея Артетанинг сўзларини келтиради NBC Sports.
"Арсенал" 11 турда 26 очко тўплаган ҳолда Премьер-лигада пешқадамлик қилмоқда.
