Мадриднинг "Атлетико" клуби ҳужумчиси Антуан Гризманн "Леванте"га қарши ўйиндан сўнг ўз таассуротлари билан ўртоқлашди.
34 ёшли француз 61-дақиқада 1:1 ҳисоби пайтида захирадан майдонга тушди ва дарҳол гол урди. 80-дақиқада у яна бир бор гол урди ва якуний натижани қайд этди.
"Ҳамма захирада ўтиришни эмас, ўйнашни хоҳлайди. Лекин мен профессионалман ва вазиятга тўғри ёндашаман. Ҳамма, шу жумладан захирадагилар ҳам тўлиқ бир жамоа бўлиши керак - бир вақтнинг ўзида бир нечта турнирда ўйнайдиган жамоалар муваффақиятининг сири ҳам шунда. Ҳозир биз максимум ҳолатимиздан узоқдамиз, аммо олдинга силжишда давом этмоқдамиз," - деди Гризманн журналистларга.
"Матрасчилар" Ла Лига 12-туридан кейин 25 очко билан турнир жадвалида учинчи ўринда бормоқда.
