"Монако" ҳужумчиси Ансу Фати голсиз серияни тўхтатиш имкониятини қўлдан чиқарди. "Барселона"дан ижарага олинган испаниялик футболчи якшанба куни бўлиб ўтган Лига 1 доирасидаги "Ланс"га қарши ўйиннинг 73-дақиқасида захирадан майдонга тушди ва 93-дақиқада пенальтидан фойдалана олмади. Бироқ, ўша пайтга келиб, монегасклар 1:4 ҳисобида мағлуб бўлаётганди.

Фати кетма-кет олтинчи ўйинида гол ура олмади. Эслатиб ўтамиз, 23 ёшли футболчи мавсум стартида бешта ўйинда олтита гол уриб, Франция чемпионати тўпурарлар пойгасида асосий таркиб футболчиси бўлмаган ҳолда пешқадамга айланиб улгурган эди.

"Монако" 12 турдан кейин 20 очко билан турнир жадвалида олтинчи ўринда бормоқда.