"Манчестер Сити" бош мураббийи Пеп Гвардиола жамоасининг сўнгги ойлардаги ривожланиши ҳақида гапирди.

Бугун "шаҳарликлар" Премьер-лига пешқадами "Арсенал" билан фарқни тўрт очкога қисқартиришлари мумкин - бунинг учун улар ўз уйида "Ливерпул"ни мағлуб этишлари керак. "Юқори даражадаги жамоаларда пойдевор сентябрь ва октябрь ойларида қўйилади - ҳар бир ой ўтган сайин тараққиёт кўриниши керак.

Бу даврда ғалаба қозонган жамоалар апрель ва май ойларида совринларни қўлга киритишади. Менимча, биз чиндан ҳам яхшиланяпмиз", деди Гвардиола якшанба куни "Ливерпуль" билан бўладиган ўйиндан олдин.