Мадриднинг "Реал" клуби марказий ҳимоячиси Эдер Милитао Ла Лиганинг якшанба куни бўлиб ўтадиган "Райо Вальекано"га қарши ўйинни асосий таркибда бошлашга тайёр.
Испания ОАВлари тахмин қилганидек, бразилиялик шанба кунги машғулотларда жароҳат олган бўлиши мумкин эди, бироқ бу маълумот тасдиқланмади. Madrid Universal нашри тарқатган хабарга кўра 27 ёшли футболчи бугунги беллашувда майдонга тушади. Бош мураббий Хаби Алонсо марказий ҳимоячини асосий таркибда Дин Хёйсен билан тандем ҳосил қилишини кутмоқда.
"Райо Вальекано"га қарши баҳс Тошкент вақти билан 20:15да бошланади. "Реал" 11-турдан кейин 30 очко билан турнир жадвалида пешқадам бўлиб турибди.













