"Барселона" бош мураббийи Ханс-Дитер Флик Ла Лига 12-туридан ўрин олган "Сельта"га (4:2) қарши ўйинда жамоасининг ғалабасига изоҳ берди.
37 ёшли Роберт Левандовски хет-трик қайд этди, яна бир голга Ламин Ямал муаллифлик қилди.
"Биринчи бўлимда жуда кўп хато қилдик, танаффусдан кейин эса ишлар яхшиланди. Биз учун доимий босим ўтказиш жуда муҳим - бугун ҳам шундай қилдик, бундан жуда мамнунман. Футболчилар ҳам иккинчи бўлимдаги ўйинларидан мамнун, буни кийиниш хонасида ҳам кўриш мумкин. Биз учун ажойиб оқшом. Жамоа характер кўрсатди," - деди Флик матбуот анжуманида.
