Мадриднинг "Реал" клуби бош мураббийи Хаби Алонсо ўнг қанот ҳимоячиси Трент Александр-Арнольднинг ўйин амалиёти ҳақида гапирди.
Якшанба куни англиялик футболчи Ла Лига доирасида "Райо Вальекано"га қарши кечган ва 0:0 ҳисобида якунланган ўйиннинг сўнгги дақиқаларида майдонга тушди. Чемпионлар лигасининг "Ливерпуль"га қарши ўйинида ҳам 27 ёшли футболчи сўнгги дақиқаларда майдонга тушганди.
"Нега Трент асосий таркибда ўйнамаяпти? Унга жароҳатдан кейин вақт керак. У терма жамоалар ўйинларидаги танаффус вақтида формасини тиклаб олиши керак," - деди Алонсо ўйиндан кейинги интервьюсида.
Трент Александер-Арнольд "Реал"га жорий йилнинг июнь ойида "Ливерпуль"дан кўчиб ўтган эди.
