Мадриднинг "Реал" клуби чап қанот ҳимоячиси Ферлан Менди "Атлетико" қизиқишлар доирасига кириб қолди.
30 ёшли футболчи жорий мавсумда "қаймоқранглилар" сафида бирор марта ҳам майдонга тушмади - у Альваро Каррерас ва Фран Гарсияга рақобатда ютқазмоқда. El Nacional нашри тарқатган хабарга кўра "матрасчилар" бош мураббийи Диего Симеоне франциялик футболчини ўз жамоасида кўрмоқчи. Аргентиналик мураббий трансфер мақсадларидан бири сифатида "Реал"нинг латералини кўрсатди.
Ферлан Мендининг "Реал"дан "Атлетико"га ўтишига клублар ўртасидаги рақобат халақит бериши мумкин.
Transfermarkt портали Мендининг нархини 10 млн еврога баҳоламоқда.
